Panjer, 17 Juli 2024
Pura Desa, Pura Puseh lan Bale Agung, sane magenah ring hulu miwah ring madyaning desa Adat manut nista, madya, lan utama mandala dados asiki.
Pemargin upacara pujawali ring Pura Desa, Desa Adat Panjer kasanggra antuk pagilir olih banjar-banjar Adat, manut dudonannya, wenten sane ngarapang upakara, wenten sane ngamedalang gaguritan utawi kidung, punika taler sane siwosan mangda janten pamargin upacara jangkep jantos puput paripurna, lan indik prabeannyane medal saking Desa Adat Panjer.
Pura Desa / Puseh, Desa Adat Panjer piodalan/pujawali nemoning rahina Redite, Pahing, Sinta (Banyupinaruh) nyabran enem sasih apisan. Ritatkala Pujawali, kamargiang panyejeran/ Ida Batara nyejer malinggih ring parahyangan ngantos tigang rahina rauh panyineb ring Rahina Pagerwesi.
Mungguing indik tata cara, upacara, piodalan sayan-sayan becik trepti, kawewihin malih antuk pagilir sajeroning Ida Bhatara nyejer tigang rahina.
Pujawali sane sane kamargian ring Redite Paing Sinta, pinanggal 14 Juli 2024 sane polih Ngarep Karya inggih Punika Krama saking Br, Antap, Gong Jangkep saking Br. Celuk , Baleganjur saking Br. Maniksaga, Kidung saking Br. Maniksaga, Tari Rejang saking ST. Bekul.
Parikrama Pujawali kariinin ring Rahina Redite, 14 Juli 2024 galah 08.00 wita Ida Bhatara Lunga Ke Beji, Ngelantur medatengan ring panggungan, risampune puput Ida Bhatara munggah ring Parahyangan Ida Suang-suang.
Ring galah 18.00 wita, Pujawali kamargiang sane kapuput olih Ida Pedanda kasarengin Tri Manggala karya.
Parikrama selanturnyane mesanekan lan Pamendakan, risampun pemendakan puput sampun pujawali a paletan, Ida Bhatara Nyejer nyantos Rahina Pagerwesi 17 Juli 2024.
