Panjer, 21 Juni 2025
Pada Anggara Kasih, uku Tambir Pinanggal 17 Juni 2025, Desa Adat ngelaksanayang Pujawali ring Pura Dalem Nyanggelan, Desa Adat Panjer.
Pujawali ring galahing punika kasarengin Pujawali ring Pura Kahyangan Desa Adat Panjer, sane nyangra Br. Kangin.
Pujawali kariinin antuk Ida bhatara sami lunga ke Beji galah 8.00 wita kelanturang medatengan ring panggungan, risampune puput raris Ida Bhatara munggah ring Parhyangan Ida soang-soang, ngelantur raris sapisan padatengan ring Pura Dalem, Pura Kahyangan lan Prajapati.
Ring galah 18.00 wita Pujawali kemargiang sane kapuput olih Ida Pedanda saking Grya Telaga Sanur, kasarengin Tri Manggalaning Karya, Gong Jangkep saking Br. Kaja, Kidung saking Br. Kertasari, Tari Rejang Dewa saking ST. Br. Kerta sari, Sane Polih pegilir nyangra Pujawali saking Br. Antap, punika taler Widya Sabha ngenter sekaa Santhi sane ngaturang ayah.
Selanturane mesanekan raris mamendak, Ida Bhatara Kaaturang nyejer tigang rahina rauh rahina sukra, 20 Juni 2025.
